Шилдэг дасгалжуулагчаар шалгарлаа

Нийтийн биеийн тамир, спортыг хөгжүүлэх, ахмадуудын бие бялдар, эрүүл мэндийг дээшлүүлэх талаар төр засгаас дэвшүүлж буй зорилтуудыг хэрэгжүүлэх зорилгоор Монголын Ахмадын өдрийг тохиолдуулан Нийгмийн хамгаалал, хөдөлмөрийн яамнаас уламжлал болгон явуулдаг спорт явган аяллын 2011 оны улсын аварга шалгаруулах тэмцээнд ИНЕГ-ын баг амжилттай оролцлоо. Тэмцээний үеэр баг тамирчдаа хурд хүч, авхаалж самбаатай оролцуулсныг үнэлж тус багийн ахлагч, ИНЕГ-ын өндөр настан спортын мастер Чулууны Цогоог /"Чингис хаан" ОУБ/ шилдэг дасгалжуулагч, хүндэт өргөмжлөлөөр шагнасан байна. Багийн гишүүдэд Маамуугийн Саандар /"Чингис хаан" ОУБ/, Гонгорын Чимгээ /"Чингис хаан" ОУБ/, Батжаргалын Пүрэв /"Чингис хаан" ОУБ/, Чойжиннямын Наранцэцэг /ГТҮА/ нар хамрагдлаа.





ИНЕГ-ын Ахмадын хорооноос энэхүү тэмцээнд 5 удаагаа амжилттай оролцож байгаа бөгөөд жил бүр явагддаг энэхүү тэмцээнд оролцох сонирхолтой харъяаллын ахмадуудыг бүртгэж авна. /28-2083, 9916-5959, 9972-2405/

Ахмадын баярын өдөр тоглолт үзүүлнэ

ИНЕГ, МИАТ ХК-ий Ахмадын хороодууд хамтран Олон улсын ахмадын өдрийг тохиолдуулан Урлагийн нэгдсэн тоглолтыг МҮЭСТО-ны Концертийн их танхимд 2011.10.01-ний өдрийн 15.00 цагаас зохион байгуулна.
Тоглолтонд:
МУАЖ А.Нэргүй
МУАЖ Д.Самбуу
МУГЖ Ц.Өлзий-Орших
МУГЖ С.Ганзориг
МУГЖ Л.Чаминчулуун
МУГЖ Д.Галсантогтох
МУГЖ Б.Сийлэгмаа
МУСТА Т.Пүрэвдорж
МУСТА Н.Амгалан
МУСТА Л.Банзрагч
МУСТА Х.Батмэнд
Дуучин Б.Отгонтогтох
Увертура хамтлаг
"Шинэ үе" продакшн
Ардын бүжгийн хамтлаг оролцоно.
Лавлах утас: 282083

Зарлал

2011.5.23-ны Даваа гарагийн 14.00 цагаас Монголын Үйлдвэрчний эвлэлийн соёлын төв ордонд ИНЕГ, МИАТ ХК-ний ахмадуудад зориулсан үндэсний дуу бүжгийн чуулгын тоглолт болно. Ахмадууд Та бүхнийг хүрэлцэн ирж үзэхийг урьж байна. Лавлах утас: 28-2083

ИНЕГ-ын Ахмадын хороо

Хүндэтгэл үзүүллээ

Иргэний агаарын тээврийн удирдах ерөнхий газрын даргаар 1974-1979 онд ажилласан С.Санжмятав, 1979-1986, 1993-1996 онуудад ажилласан Л.Лхагва, Иргэний нисэхийн ерөнхий газрын даргаар 1998-2006 онд ажилласан М.Дагва нарыг 2011.5.03-ны өдөр ИНЕГ-ын даргын зөвлөлийн гишүүд хүлээн авч хүндэтгэл үзүүллээ.

Ахмадууддаа хүндэтгэл үзүүллээ

Сар шинийн баярыг тохиолдуулан ИНЕГ-ын даргын зөвлөл, Ахмадын хорооноос хамтран 80 нас хүрсэн ахмадуудад /Х.Цэцгээ, Н.Жүгдэр, Л.Даваажав, С.Жаргал/ мөнгөн аяга, гарын бэлгийн хамт гардууллаа.
Мөн 85-аас дээш настай ахмадуудад /Д.Сэрээтэр-96, В.Өлзийхутаг-100, Н.Хуучаан-87, Ц.Жигжиджав-91, Д.Загд-91, З.Жавзан-90, Б.Алтангэрэл-88, Ж.Даваахүү-91, Х.Билгээ-89, И.Намжилсүх-88, Ж.Бүзээхүү-88, Б.Хоролжав-87/ алд цэнхэр хадаг, гарын бэлгийн хамтаар гардуулж хүндэтгэл үзүүллээ.

Тэргүүний ахмадын хороогоор шалгарлаа

Ахмад настанд төрөөс үзүүлэх нийгмийн хамгааллын үйлчилгээг сайжруулахад тушиглэсэн байгууллагатайгаа хамтран идэвх санаачлага гарган ажиллаж, улс орныхоо хөгжил цэцэглэлтэд залуу насаа зориулж хөдөлмөрлөж ирсэн ахмад настнуудыг хамт олноо гэсэн өөдрөг сэтгэлтэй, эруул саруул урт удаан наслахад нь тус дэм болж ажиллаж байгааг үнэлж ЗТБХБЯ-наас ИНЕГ-ын Ахмадын хороог салбарын тэргүүний ахмадын хороогоор шалгаруулсан байна.

Ахмадуудын дунд зохиох ажлын талаар өөрийн салбар, зөвлөлүүдэд удирдамж чиглэл өгч, ахмадуудын хийж бүтээсэн, салбарын хөгжилд оруулсан хувъ нэмэр, ажлын туршлагыг нь хойч үедээ уламжлуулах, ахмадуудын чөлөөт цагийг хамт олныхоо дунд сэтгэл хангалуун ур дүнтэй өнгөрөөх, тэднийг аялал жуулчлал, урлаг спортын арга хэмжээнд татан оролцуулах, эмчилгээ сувилалд явуулах зэргээр ахмадуудын сайн сайхны төлөө байнга анхаарч, ахмадуудынхаа бутээлч санаачлага, идэвх зүтгэлийг өрнүүлэн ажиллаж байгаа ИНЕГ-ын Ахмадын хороо болон байгууллага хамт олны ажлын амжилтыг үнэлж Зам, тээвэр, барилга, хот байгуулалтын яамнаас тус газрын Ахмадын хороог "Тэргүүний ахмадын хороо"-гоор шалгаруулж "Хундэт Өргөмжлөл"-өөр шагнажээ.